1 Timoseewo  

Essuula 1

1 Pawulo, omutume wa Kristo Yesu ng'okulagira kwa Katonda Omulokozi waffe bwe kuli n'okwa Kristo Yesu essuubi lyaffe;
2 eri Timoseewo omwana wange ddala olw'okukkiriza: ekisa, okusaasira, emirembe bibenga. gy'oli ebiva eri Katonda Kitaffe ne Kristo Yesu Mukama waffe.
3 Nga bwe nnakubuulirira okubeera mu Efeso, bwe nnali nga ŋŋenda e Makedoni, olagirenga abamu obutayigirizanga bulala,
4 newakubadde okulowoozanga enfumo n'ebigambo by'obuzaale ebitakoma, ebireeta empaka okusinga obuwanika bwa Katonda obuli mu kukkiriza; bwe nkola bwe ntyo ne kaakano:
5 Naye enkomerero y'ekiragiro kwe kwagala okuva mu mutima omulongoofu n'omwoyo omulungi n'okukkiriza okutalina bukuusa:
6 ebyo abamu babiwunjukamu ne bakyamira mu bigambo ebitaliimu;
7 nga baagala okuba ng'abayigiriza b'amateeka, nga tebategeera bye boogera newakubadde bye bakakasa.
8 Naye tumanyi ng'amateeka malungi, omuntu bw'agasoma ng'amateeka bwe gali,
9 ng'amanyi ekyo nti amateeka tegateekerwawo muntu mutuukirivu, wabula abatali batuukirivu n'abajeemu, abatatya Katonda n'abalina ebibi, abatali batukuvu n'abavvoola Katonda, abatta bakitaabwe ne bannyaabwe, abassi b'abantu,
10 abenzi, abalya ebisiyaga, abanyazi b'abantu, abalimba, abalayirira obwereere, n'ebirala byonna ebiwakana n'okuyigiriza okw'obulamu;
11 ng'enjiri bw'eri ey'ekitiibwa kya Katonda eyeebazibwa gye nnateresebwa nze.
12 Mmwebaza oyo eyampa amaanyi, ye Kristo Yesu Mukama waffe, kubanga yandowooza nga ndi mwesigwa, bwe yanteeka mu buweereza,
13 olubereberye bwe nnali omuvumi era omuyigganya era ow'ekyejo: naye nnasaasirwa kubanga nnakolanga nga ssimanyi mu butakkiriza;
14 ekisa kya Mukama waffe ne kyeyongera nnyo wamu n'okukkiriza n'okwagala okuli mu Kristo Yesu.
15 Ekigambo kyesigwa, era ekisaanira okukkirizibwa kwonna nti Kristo Yesu yajja mu nsi okulokola abalina ebibi; mu bo nze w'olubereberye;
16 naye kyennava nsaasirwa Yesu Kristo alyoke alabisize mu nze ow'olubereberye okugumiikiriza kwe kwonna, okubeeranga ekyokulabirako eri abo abagenda okumukkiriza olw'obulamu obutaggwaawo.
17 Era Kabaka ow'emirembe n'emirembe, ataggwaawo, atalabika, Katonda amu, aweebwenga ettendo n'ekitiibwa emirembe n'emirembe. Amiina.
18 Ekiragiro kino nkuteresa, mwana wange Timoseewo, ng'ebigambo bya bannabbi bwe byali bye baakwogerako edda, olyoke olwanirenga mu byo olutalo olulungi,
19 ng'onyweza okukkiriza n'omwoyo omulungi, abalala gwe basindika eri ne bamenyekerwa okukkiriza kwabwe:
20 mu abo ye Kumenayo ne Alegezanda: be nnawa eri Setaani, balyoke bayigirizibwe obutavumanga.
   

Essuula 2

[Ddayo waggulu]
1 Kale okusooka byonna mbabuulirira okwegayiriranga n'okusabanga n'okutakabananga n'okwebazanga bikolebwenga ku lw'abantu bonna;
2 ku lwa bakabaka n'abakulu bonna; tulyoke tubeerenga n'obulamu obutereevu obw'emirembe mu kutya Katonda kwonna ne mu kwegendereza.
3 Ekyo kye kirungi, ekikkirizibwa mu maaso g'Omulokozi waffe Katonda,
4 ayagala abantu bonna okulokoka, era okutuuka mu kutegeerera ddala amazima.
5 Kubanga waliwo Katonda omu, era omutabaganya wa Katonda n'abantu omu, omuntu Kristo Yesu,
6 eyeewaayo abe omutango olwa bonna; okutegeeza kulibaawo mu nruuko zaakwo:
7 nze kwe nnateekerwa omubuulizi era omutume (njogera mazima, ssirimba), omuyigiriza w'amawanga olw'okukkiriza n'amazima.
8 Kyenva njagala abasajja basabenga mu buli kifo, aga bayimusa emikono emitukuvu, awatali busungu na mpaka.
9 Bwe batyo n'abakazi beeyonjenga mu byambalo ebisaana, n'okukwatibwa ensonyi n'okwegendereza; si mu kulanganga enviiri, ne zaabu oba luulu oba engoye ez'omuwendo omungi;
10 naye (nga bwe kisaanira abakazi abeeyita abatya Katonda) n'ebikolwa ebirungi.
11 Omukazi ayigenga mu bukkakkamu mu kugonda kwonna.
12 Naye omukazi mmugaanyi okuyigirizanga, newakubadde okufuganga omusajja, naye okubeeranga mu bukkakkamu.
13 Kubanga Adamu ye yasooka okutondebwa, oluvannyuma Kaawa;
14 era Adamu si ye yalimbibwa, naye omukazi oli ye yalimbibwa n'aba mu kwonoona:
15 naye anaalokokanga mu kuzaala, bwe banaanyiikiranga mu kukkiriza n'okwagala n'obutukuvu awamu n'okwegendereza.
   

Essuula 3

[Ddayo waggulu]
1 Kyesigwa ekigambo ekyo nti Omuntu bw'ayagalaaga obulabirizi, yeegomba mulimu mulungi.
2 Kale omulabirizi kimugwanira obutabangako kya kunenyezebwa, abeerenga musajja wa mukazi omu, atatamiira, mwegendereza, mukwata mpola, ayaniriza abagenyi,
3 atayombera ku mwenge, atakuba; naye omuwombeefu, atalwana, ateegomba bintu;
4 afuga obulungi ennyumba ye ye, agonza abaana be mu kitiibwa kyonna;
5 (naye omuntu bw'atamanya kufuga nnyumba Ye Ye, aYiaza atya okujjanjaba ekkanisa ya Katonda?)
6 si oyo eyaakakyuka, alemenga okwekulumbaza n'amala agwa mu musango gwa Setaani.
7 Era nate kimugwanira okubeeranga n'okutegeezebwa okulungi eri abo ab'ebweru, alemenga okugwa mu kuvumibwa ne mu kyambika kya Setaani.
8 Bwe batyo n'abaweereza kibagwanira okubeeranga abalimu ekitiibwa, si bannimibbirye, abatanywanga mwenge mungi, si beegombi ba bintu;
9 nga bakuuma ekyama eky'okukkiriza mu mwoyo omulungi.
10 Era nate abo basookenga okukeuiebwa, balyoke baweereze, nga tebaliiko kya kunenyezebwa.
11 Bwe batyo n'abakazi kibagwanira okubeeranga abalimu ekitiibwa, abatawaayiriza, abatatamiira, abeesigwa mu byonna.
12 Abaweereza babeereaga basajja ba mukazi omu, nga bafuga abaana baabwe obulungi n'ennyumba zaabwe bo.
13 Kubanga abamala okuweereza obulungi beefunira obukulu obulungi n'obugumu bungi mu kukkiriza okuli mu Kristo Yesu.
14 Nkuwandiikidde ebyo nga nsuubira okujja gy'oli mangu;
15 naye bwe ndwanga olyoke obe ag'omanyi bwe kigwana okukolanga mu nnyumba ya Katonda, ye kkanisa ya Katonda omulamu, empagi n'omusingi eby'amazima.
16 Era awatali kubuusabuusa ekyama eky'okutya Katonda kye kikulu; oyo eyalabisibwa mu mubiri, n'aweebwa obutuukirivu mu mwoyo, n'alabibwa bamalayika, n'abuulirwa mu mawanga, n'akkirizibwa mu nsi, n'atwalibwa mu kitiibwa.
   

Essuula 4

[Ddayo waggulu]
1 Naye Omwoyo ayogera lwatu nti mu nnaku ez'oluvannyuma walibaawo abaliva mu kukkiriza, nga bawulira emyoyo egikyamya n'okuyigiriza kwa basetaani,
2 olw'obunnanfuusi bw'abalimba, nga bookebwa emyoyo gyabwe nga n'ekyutna ekyokya,
3 nga bawera okufumbiriganwanga era nga balagira okulekanga ebiriibwa, Katonda bye yatonda biriirwenga mu kwebaza abakkiriza ne bategeerera ddala amazima.
4 Kubanga buli kitonde kya Katonda kirungi, so siwali kya kusuula bwe kitoolebwa n'okwebaza: 5 kubanga kitukuzibwa na kigambo kya Katonda n'okusaba.
5 kubanga kitukuzibwa na kigambo kya Katonda n'okusaba.
6 Bw'onojjukizanga ab'oluganda ebyo, oaoobaaga muweereza mulungi owa Kristo Yesu, ng'okulira mu bigambo eby'okukkiriza n'eby'okuyigiriza okulungi kwe wagoberera:
7 naye enfumo ezitali za ddiini ez'obusirusiru z'oba olekanga. Weemanyiizenga okutya Katonda:
8 kubanga okwemanyiiza kw'omubiri kugasa akaseera katono; naye okutya Katonda kugasa mu byonna, kubanga kulina okusuubiza kw'obulamu obwa kaakano n'obw'obugenda okujja.
9 Ekigambo ekyo kyesigwa era ekisaanira okukkirizibwa kwonna.
10 Kubanga kyetuva tutegana ne tufuba, kubanga twasuubira Katonda omulamu, Omulokozi w'abantu bonna, okusinga w'abakkiriza,
11 Lagiranga ebyo obiyigirizenga,
12 Omuntu yenna takunyoomanga lwa buvubuka bwo; naye beeranga kyakulabirako eri abo abakkiriza mu kwogeranga, mu kutambulanga: mu kwagalanga, mu kukkirizanga, mu kubanga omulongoofu
13 Okutuusa lwe ndijja, nyiikiranga mu kusoma, n'okubuuliriranga, n'okuyigirizanga.
14 Tolekanga kirabo ekiri mu ggwe, kye waweebwa olw'obunnabbi awamu n'okuteekebwako emikono gy'abakadde
15 Ebyo obiroweozenga, obeerenga mu ebyo; okuyitirira kwo kulabikenga eri bonna.
16 Weekuumenga wekka n'okuyigiriza kwo. Nyiikiriranga mu ebyo; kubanga bw'okola bw'otyo, olyerokola wekka en n'abo abakuwulira.
   

Essuula 5

[Ddayo waggulu]
1 Tonenyanga mukadde, naye omubuuliriranga nga kitaawo abavubuka ng'ab'oluganda:
2 abakazi abakadde nga nnyoko; abato nga bannyoko mu bulongoofu bwonna.
3 Obawenga ekioibwa bannamwandu ababa bannamwandu ddala.
4 Naye nnamwandu yenna bw'aba n'abaana oba bazzukulu basookenga okuyiga okwegendereza eri ab'omu nnyumba zaabwe, n'okusasula bakadde baabwe: kubange ekyo kye kikkirizibwa mu maaso ga Katonda.
5 Naye abeera nnamwandu ddala n'alekebwa yekka, asuubira Katonda, n'anyiikiranga okusaba n'okwegayiriranga emisana n'ekiro.
6 Naye oyo awoomerwa ebinyumu ng'afudde newakubaddi ng'akyali mulamu.
7 Era n'ebyo obalagire, balemenga okubaaki eky'okunenyezebwa.
8 Naye omuntu yenna bw'atajjanjaba babe n'okusinga ab'omu nnyumba ye nga yeegaanyi okukkiriza, era nga ye mubi okusinga atakkiriza
9 Nnamwandu yenna tawandiikibwanga nga tannatuusa myaka nkaaga, eyafumbirwa omusajja omu
10 asiimibwa mu bikolwa ebirungi oba nga yaleranga abaana, oba nga yayanirizanga abagenyi, oba nga yanaazanga abatukuvu ebigere, oba nga yabeeranga ababonaabona, oba nga yagobezeranga nnyo buli ki lwa ekirungi.
11 Naye bannamwandu abakyali abato obagaanenga: kubanga bwe balikabawala ezi Kristo, nga baagala okufumbiri
12 nga bazza omusango kuba basuula okukkiriza kwabwe okw’olubereberye.
13 Era ate bayiga okubeeranga abagayaavu, nga ba mbulatambula okubuna amayumba naye tebagayaala bugayaazi, naye balina olugambo n'akajanja nga boogera ebitasaana.
14 Kyenva njagala abakyali abato bafumbirwenga, bazaalenga abaana, ba: genga ennyumba, balemenga oku omulabe ebbanga w'ayima okuma:
15 kubanga waliwo kaakano abaakyuka okugoberera Seta:
16 Omukazi yenna akkiriza bw’banga ne bannamwandu, abo mbenga, era ekkanisa eremenga okuzitoowererwa, eryoke eyambenga bannamwandu ddala ddala.
17 Abakadde abafuga obulungi basaanyizibwe okuweebwanga ekitiibwa emirundi ebiri, okusinga abafuba mu kigambo n'okuyigiri:
18 Kubanga ekyawandiikibwa kyogera nti Tosibanga mumwa gn nte ewuula eŋŋaano. Era nti Akola emirimu asaanira empeera ye.
19 Tokkirizanga kiroope ku mukadde awatali bajulirwa babiri oba basatu.
20 Aboonoona obanenyezanga mu maaso g'abantu bonna, era n'abalala balyoke batyenga.
21 Nkukuutirira mu maa; ga Katonda, ne Kristo Yesu, ne bamalayika abalonde, weekuumenga ebyo awatali kusaliriza, nga tokola kigambo olw'obuganzi.
22 Toyanguyirizanga kussaako mikono ku muntu yenna, so tossanga kimu na bibi by'abantu abalala: weekuume obeerenga mulongoofu.
23 Tonywanga mazzi gokka, naye onywa nga ne ku mwenge katono olw'olu buto lwo n'olw'okulwalalwala.
24 Waliwo abantu ebibi byabwe biba mu lwatu; nga bibakulembera okugenda mu musango; era n'abalala bibavaako nnyuma.
25 Era bwe zityo n'ebikolwa ebirungi biba mu lwatu; ne bwe kitaba bwe kityo tebirirema kwolesebwa.
   

Essuula 6

[Ddayo waggulu]
1 Abali mu bufuge abaddu balowoozenga bakama baabwe bennyini nga basaanidde ekitiibwa kyonna, erinnya lya Katonda n'okuyigiriza kwaffe biremenga okuvumibwa.
2 Era abalina bakama baabwe abakkiriza tebabanyoomanga, kubanga ba luganda; naye beeyongere okubaweerezanga, kubanga abassa ekimu mu kukolwa obulungi bakkiriza era baagalwa. Yigirizanga ebyo obibuulirirenga.
3 Omuntu yenna bw'ayigirizanga obulala, so nga takkiriza bigambo bya bulamu, bye bya Mukama waffe Yesu Kristo, n'okuyigiriza okugobereranga okutya Katonda;
4 nga yeekulumbaza, nga taliiko ky'ategeera, wabula okukalambiza obukalambiza empaka n'entalo ez'ebigambo, omuva obuggya, okuyomba, okuvuma, okuteerera obubi,
5 okukaayana kw'abantu abayonooneka amagezi, abaggibwako amazima, nga balowooza ng'okutya Katonda kwe kufuna amagoba.
6 Nave okutya Katonda wamu n'obutayaayaananga ge magoba amangi:
7 kubanga tetwaleeta kintu mu nsi, kubanga era tetuyinza kuggya mu kintu;
8 naye bwe tuba n’emmere n'ebyokwambala, ebyo binaatumalanga.
9 Naye abaagala okugaggawala bagwa mu kukemebwa ne mu mutego n'okwegomba okungi okw'obusirusiru okwonoona, okunnyika abantu mu kubula n'okuzikirira.
10 Kubanga okwagala ebintu kye kikolo ky'ebibi byonna: waliwo abantu abayaayaanira ebyo, ne bakyamizibwa okuva mu kukkiriza, ne beefumitira ddala n'ennaku ennyingi.
11 Naye ggwe, omuntu wa Katonda, ddukanga ebyo,ogobererenga obutuukirivu, okutya Katonda, okukkiriza, okwagala, okugumiikiriza, obuwombeefu.
12 Lwananga okulwana okulungi okw'okukkiriza, nywezanga obulamu obutaggwaawo, bwe wayitirwa, n'oyatula okwatula okulungi mu maaso g'abajulirwa abangi.
13 Nkukuutirira mu maaso ga Katonda, awa byonna obulamu, ne Kristo Yesu eyategeeza okwatula okulungi eri Pontio Piraato;
14 weekuumenga ekiragiro awatali bbala, awatali kya kunenyezebwa, okutuusa ku kulabika kwa Mukama waffe Yesu Kristo:
15 kw'aliraga mu ntuuko zaakwo Nannyini buyinza yekka atenderezebwa, Kabaka wa bakabaka, era Mukama w'abaami;
16 alina obutafa yekka, atuula mu kutangaala okutasemberekeka; omuntu yenna gw'atalabangako, so siwali ayinza okttmulaba: aweebwenga ekitiibwa n'obuyinza obutaggwaawo. Amiina.
17 Okuutirenga abagagga ab'omu mirembe gya kaakano obuteegulumizanga, newakubadde okwesiga obugagga obutali bwa lubeerera, wabula Katonda, atuwa byonna olw'obugagga tulyoke twesanyusenga n'ebyo;
18 bakolenga obulungi, babeerenga abagagga mu bikolwa ebirungi, babeerenga bagabi, bassenga kimu;
19 nga beeterekera eky'okuyimako ekirungi olw'ebiro ebigenda okujja, balyoke banywezenga obulamu ddala ddala.
20 Ai Timoseewo, kuumanga kye wateresebwa, nga weewala ebigambo ebitaliimu ebitali bya Katonda n'okulwana kw'ebigambo eby'okutegeera, okuyitibwa bwe kutyo mu bulimba;
21 waliwo abantu abeegamba okuba nakwo, ne bakyama mu kukkiriza. Ekisa kibeerenga nammwe.
   

Next
Back