Zabbuli  

Essuula 121

Oluyimba olw'oku madaala.
1 Naayimusa amaaso gange eri ensozi: Okubeerwa kwange kuliva wa?
2 Okubeerwa kwange kuva eri Mukama, Eyakola eggulu n'ensi.
3 Taliganya kigere kyo okusagaasagana: Akukuuma taabongootenga.
4 Laba, akuuma Isiraeri Taabongootenga so teyeebakenga.
5 Mukama ye mukuumi wo: Mukama kye kisiikirize kyo ku mukono gwo ogwa ddyo.
6 Enjuba terikwokya emisana, Newakubadde omwezi ekiro.
7 Mukama anaakukuumanga eri obubi bwonna; Ono ye anaakuumanga emmeeme yo.
8 Mukama anaakukuumanga amagenda go n'amadda, Okuva leero n'okutuuka emirembe gyonna.
   

Essuula 122

[Ddayo waggulu]
Oluyimba olw'oku madaala; olwa Dawudi.
1 Nasanyuka bwe baŋŋamba nti Tugende mu nnyumba ya Mukama.
2 Ebigere byaffe biyimiridde Munda mu miryango gyo, ggwe Yerusaalemi;
3 Ggwe Yerusaalemi, eyazimbibwa Okuba ekibuga ekigattiddwa awamu:
4 Ebika gye birinnya, bye bika bya Mukama, Okuba obujulirwa eri Isiraeri, Okwebazanga erinnya lya Mukama.
5 Kubanga baateeka omwo entebe ez'okusalirako omusango, Entebe ez'ennyumba ya Dawudi.
6 Musabirenga Yerusaalemi emirembe: Baliraba omukisa abakwagala.
7 Emirembe gibeere mu bisenge byo, N'omukisa mu mayugo.
8 Ku lwa baganda bange ne bannange Naayogera kaakano nti Emarembe gibeere mu ggwe.
9 Olw'ennyumba ya Mukama Katonda waffe Naagezangako okukukola obulungi.
   

Essuula 123

[Ddayo waggulu]
Oluyimba olw'oku madaala.
1 Eri ggwe nnyimusa amaaso gange, Ai ggwe atuula mu ggulu.
2 Laba, amaaso g'abaddu nga bwe gatunuulira omukono gwa mukama waabwe, Amaaso g'omuzaana nga bwe gatunuulira omukono gwa mugole we, N'amaaso gaffe bwe gatyo bwe gatunuulira Mukama Katonda waffe, Okutuusa lw'alitusaasira.
3 Otusaasire, ai Mukama, otusaasire: Kubanga tujjudde tmyo okunyoomebwa
4 Emmeeme yaffe ejjudde nnyo Okuduulirwa abo abalina emirembe, N'okunyoomebwa abo abalina amalala.
   

Essuula 124

[Ddayo waggulu]
Oluyimba olw'oku madaala; olwa Dawudi.
1 Singa Mukama si ye yali ku luuyi lwaffe, Isiraeri ayogere kaakano;
2 Singa Mukama si ye yali ku luuyi lwaffe, Abantu bwe baatugolokokerako:
3 Banditumize, nga tukyali balamu, Obusungu bwabwe lwe bwatubuubuukirako:
4 Amazzi ganditutwalidde ddala, Mukoka yandiyise ku mmeeme yaffe:
5 Amazzi ag'amalala gandiyise ku mmeeme yaffe.
6 Mukama yeebazibwe, Atatugabudde okuba emmere eri amannyo gaabwe.
7 Emmeeme yaffe ewonye ng'ennyonyi mu mutego ogw'abatezi: Omutego gukutuse, naffe tuwonye.
8 Okubeerwa kwaffe kuli mu linnya lya Mukama, Eyakola eggulu n'ensi.
   

Essuula 125

[Ddayo waggulu]
Oluyimba olw'oku madaala.
1 Abeesiga Mukama Baliŋŋanga olusozi Sayuuni, olutajjulukuka, naye lunywera emirembe gyonna.
2 Ensozi nga bwe zeetooloola Yerusaalemi, Ne Mukama bw'atyo bwe yeetooloola abantu be, Okuva leero n'okutuusa emirembe gyonna.
3 Kubanga omuggo ogufuga ogw'obubi tegulibeererawo ku mugabo ogw'abatuukirivu; Abatuukirivu balemenga okugolola emikono gyabwe okukola ebitasaana:
4 Obakolenga ebirungi, ai Mukama, abalungi, N'abo abalina emitima egitali gya bukuusa.
5 Naye abo abeekooloobya mu makubo gaabwe agakyamye, Mukama alibafulumya wamu n'abakola ebitali bya butuukirivu. Emirembe gibeere ku Isiraeri.
   

Essuula 126

[Ddayo waggulu]
Oluyimba olw'oku madaala.
1 Mukama bwe yazza nate obusibe bwa Sayuuni, Ne tufaanana ng'abo abaloota.
2 Akamwa kaffe ne kalyoka kajjula enseko, N'olulimi lwaffe okuyimba: Ne balyoka boogerera mu mawanga Nti Mukama abakoledde ebikulu.
3 Mukama atukoledde ebikulu; Kyetuvudde tusanyuka.
4 Ozze nate obusibe bwaffe, ai Mukama, Ng'emigga mu bukiika obwa ddyo.
5 Abasiga nga bakaaba amaziga balikungula nga basanyuka.
6 Newakubadde nga yagenda ng'akaaba, ng'atwala ensigo; Alidda nate n'essanyu, ng'aleeta ebinywa bye.
   

Essuula 127

[Ddayo waggulu]
Oluyimba olw'oku madaala; olwa Sulemaani.
1 Mukama bw'atazimba nnyumba, Abagizimba bakolera bwereere: Mukama bw'atakuuma kibuga, Omukuumi atunuulirira bwereere.
2 Mukolera bwereere bwe mukeera okugolokoka, era bwe mulwawo ennyo okwebaka; Era bwe mulya emmere ey'okutegana: Kubanga bw'abawa bw'atyo otulo abaagalwa be.
3 Laba, abaana bwe busika bwa Mukama: N'ebibala eby'olubuto ye mpeera ye.
4 Ng'obusaale bwe buli mu mukono gw'omuzira, Abaana ab'omu buvubuka bwe bali bwe batyo.
5 Alina omukisa omuntu omttfuko gwe bwe gujjula abo: Tebaakwatibwenga nsonyi, Bwe banaayogereranga n'abalabe baabwe mu mulyango.
   

Essuula 128

[Ddayo waggulu]
Oluyimba olw'oku madaala.
1 Alina omukisa buli atya Mukama, Atambulira mu makubo ge.
2 Kubanga onoolyanga ge emirimu egy'emikono gyo: Oliba wa mukisa, era oliraba ebirungi.
3 Mukazi wo aliba ng'omuzabbibu ogubala mu nju ez'omunda mu nnyumba yo: Abaana bo ng'amatabi g'omuzeyituuni nga beetooloola emmeeza yo.
4 Laba, bw'atyo bw'aliweebwa omukisa omuntu Atya Mukama.
5 Mukama anaakuwanga omukisa ng'ayima mu Sayuuni: Naawe onoolabanga ebirungi nga bijja ku Yerusaalemi ennaku zonna ez'obulamu bwo.
6 Weewaawo, oliraba abaana b'abaana bo. Emirembe gibeere ku Isiraeri.
   

Essuula 129

[Ddayo waggulu]
Oluyimba olw'oku madaala.
1 Emirundi mingi gye baakambonyaabonyezza okuva mu buto bwange Isiraeri ayogeze kaakano;
2 Emirundi mingi gye baakambonyaabonyezza okuva mu buto bwange: Naye ne batampangula.
3 Abakabala baakabala omugongo gwange; Baatema ensalosalo empanvu,
4 Mukama mutuukirivu: Asazeesaze emigwa egy'ababi.
5 Bakwatibwe ensonyi, bazzibwe ennyuma, Bonna abakyawa Sayuuni.
6 Babe ng'omuddo oguli waggulu ku nnyumba, Oguwotoka nga tegunnakula:
7 Omukunguzi n'atajjuza ogwo omukono gwe, Newakubadde asiba ebinywa ekifuba kye.
8 Newakubadde abayita teboogera Nti Omukisa gwa Mukama gube ku mmwe; Tubawadde omukisa mu linnya lya Mukama.
   

Essuula 130

[Ddayo waggulu]
Oluyimba olw'oku madaala.
1 Mu buziba nkukaabidde ggwe, ai Mukama.
2 Mukama, owulire eddoboozi lyange: Amatu go galowooze Eddoboozi ery'okwegayirira kwange.
3 Mukama, owulire eddoboozi lyange: Amatu go galowooze Eddoboozi ery'okwegayirira kwange.
4 Naye waliwo okusonyiwa w'oli, Olyoke otiibwenga.
5 Nnindirira Mukama, emmeeme yange erinda, Era ekigambo kye kye nsuubira.
6 Emmeeme yange eyaayaanira Mukama, Okusinga abakuumi bwe bayaayaanira obudde okukya; Weewaawo, okusinga abakuumi bwe bayaayaanira obudde okukya.
7 Ggwe Isiraeri, suubiranga Mukama; Kubanga awali Mukama we wali okusaasira, Era awali ye we wali okununula okungi.
8 Era oyo alinunula Isiraeri Mu butali butuukirivu bwe bwonna.
   

Essuula 131

[Ddayo waggulu]
Oluyimba olw'oku madaala; olwa Dawudi.
1 Mukama omutima gwange si gwa malala, newakubadde amaaso gange tegeegulumiza; So sitambulira mu bigambo ebikulu. Newakubadde mu bigambo eby'ekitalo ebinnema.
2 Mazima ŋŋonzezza emmeeme yange, ngisirisizza; Ng'omwana avudde ku mabeere awali nnyina, N'emmeeme yange eri we ndi bw'etyo ng'omwana avudde ku mabeere.
3 Ggwe Isiraeri suubiranga Mukama Okuva leero n'okutuusa emirembe gyonna.
   

Essuula 132

[Ddayo waggulu]
Oluyimba olw'oku madaala.
1 Mukama, ojjuukirire Dawudi Okubonaabona kwe kwonna.
2 Bwe yalayirira Mukama, Ne yeeyama Omuzira wa Yakobo:
3 Mazima siriyingira mu weema ey'ennyumba yange, So siririnnya ku kiriri kyange;
4 Siriwa amaaso gange okwebaka, Newakubadde enkowekowe zange Otulo;
5 Okutuusa lwe ndimulabira Mukama ekifo, Eweema ey'Omuzira wa Yakobo.
6 Laba, twagiwulirako mu Efulasa: Twagiraba mu nnimiro ey'ekibira.
7 Tuliyingira mu weema ze; Tulisinziza awali entebe y'ebigere bye.
8 Golokoka, ai Mukama, oyingire mu kifo kyo eky'okuwummuliramu; Ggwe, n'essanduuko ey'amaanyi go.
9 Bakabona bo bambale obutuukirivu; N'abatukuvu bo boogerere waggulu olw'essanyu.
10 Ku lw'omuddu wo Dawudi Togoba maaso g'oyo gwe wafukako amafuta.
11 Mukama yalayirira Dawudi mu mazima; Talikyuka kugaleka: Ku bibala eby'omubiri gwo nditeeka ku ntebe yo.
12 Abaana bo bwe banakkirizanga okwekuuma endagaano yange N'obujulirwa bwange bwe nnaabayigirizanga, Era n'abaana baabwe banastuulanga ku ntebe yo emirembe gyonna.
13 Kubanga Mukama yeeroboza Sayuuni; Yakiyaayaanira okukituulamu.
14 Kino kye kifo kye mpummuliramu ennaku zonna: Wano we nnaatuulanga; kubanga nayaayaanirawo.
15 Naskiwanga omukisa muagi ekyengera kyakyo: Nakkusanga abaavu baakyo emmere.
16 Era ne bakabona baakyo ndibambaza obulokozi: N'abatukuvu baakyo balyogerera waggulu olw'essanyu.
17 Eyo gye ndyanyisiza ejjembe lya Dawudi: Namuteekerawo ettabaaza eyo gwe nnafukako amafuta.
18 Abalabe be ndibambaza ensonyi: Naye ku mutwe gwe engule ye eriraba omukisa.
   

Essuula 133

[Ddayo waggulu]
Oluyimba olw'oku madaala; olwa Dawudi.
1 Laba bwe kuli okulungi, bwe kusanyusa, Ab'oluganda okutuula awamu nga batabaganye!
2 Kuliznanga amafuta ag'omuwendo omungi agali ku mutwe, Agaakulukutira mu kirevu, Mu kirevu kya Alooni; Agaaserengetera ku lukugiro lw'ebyambalo bye;
3 Ng'omusulo gwa Kerumooni, Ogukkira ku nsozi za Sayuuni: Kubanga eyo Mukama gye yalagirira omukisa, Bwe bulamu obw'emirembe n'emirembe.
   

Essuula 134

[Ddayo waggulu]
Oluyimba olw'oku madaala.
1 Mulabe, mumwebaze Mukama, mmwe mwenna abaddu ba Mukama, Abayimirira ekiro mu nnyumba ya Mukama.
2 Muyimuse engalo zammwe eri awatukuvu, Mumwebaze Mukama.
3 Mukama akuwe omukisa ng'ayima mu Sayuuni; Oyo eyakola eggulu n'ensi.
   

Essuula 135

[Ddayo waggulu]
1 Mumutendereze Mukama. Mutendereze erinnya lya Mukama, Mumutendereze, mmwe abaddu ba Mukama:
2 Mmwe abayimirira mu nnyumba ya Mukama, Mu mpya z'ennyumba ya Katonda waffe.
3 Mumutendereze Mukama; kubanga Mukama mulungi: Muyimbe okutendereza erinnya lye; kubanga lya ssanyu.
4 Kubanga Mukama yeeroboza Yakobo okuba owuwe, Ne Isiraeri okuba ow'envuma ye yekka.
5 Kubanga mmanyi nga Mukama mukulu, Era nga Mukama waffe asinga bakatonda bonna.
6 Buli ky'ayagadde Mukama akikoze, Mu ggulu ne mu nsi, mu nnyanja ne mu by'obuziba byonna.
7 Anyoosa omukka okuva ku nkomerero z'ensi; Aleetera enjota enkuba; Afulumya empewo mu mawanika ge.
8 Eyakuba ababereberye ab'e Misiri, Ab'abantu era n'ab'ensolo.
9 Yaweereza obubonero n'eby'amagero wakati mu ggwe, ggwe Misiri, Ku Falaawo, ne ku baddu be bonna.
10 Eyakuba amawanga amangi, N'atta bakabaka ab'amaanyi;
11 Sikoni kabaka w'Abamoli, Ne Ogi kabaka We Basani, N'amatwale gonna aga Kanani:
12 N'agaba ensi yaabwe okuba obusika, Obusika eri Isiraeri abantu be.
13 Erinnya lyo, ai Mukama, libeerera ennaku zonna; N'ekijjukizo kyo, ai Mukama, okutuusa emirembe gyonna.
14 Kubanga Mukama alisalira omusango abantu be, Era alyejjusa mu bigambo eby'abaddu be.
15 Ebifaananyi eby'amawanga ye ffeeza, ye zaabu, Omulimu ogw'emikono gy'abantu.
16 Birina obumwa, naye tebyogera; Birina amaaso, naye tebiraba;
17 Birina amatu, naye tebiwulira; So tewali mukka mu bumwa bwabyo.
18 Ababikola balibifaanana; Weewaawo, buli abyesiga.
19 Mmwe ennyumba ya Isiraeri, mumwebaze Mukama: Mmwe ennyumba ya Alooni, mumwebaze Mukama:
20 Mmwe ennyumba ya Leevi, mumwebaze Mukama: Mmwe abatya Mukama, mumwebaze Mukama.
21 Mukama yeebazibwe okuva mu Sayuuni, Atuula mu Yerusaalemi. Mumutendereze Mukama.
   

Next
Back